Мемлекет басшысының тапсырмасын орындау аясында Ақтөбе облысында су тасқынының салдарын жою бойынша қалпына келтіру жұмыстары жүргізілуде. Қазіргі таңда зардап шеккен отбасылар үшін 6 ауданда 511 тұрғын үй салынуда, деп хабарлайды Ақтөбе облысы әкімдігінің баспасөз қызметі.
Сондай-ақ осы аудандар мен Ақтөбе қаласында судан қираған апатты үйлердің тұрғындары үшін 503 үй сатып алынады. Бүгінгі таңда 438 отбасына баспана сатып алынды. Оның 135-і облыс орталығында. Қазір тағы 60 отбасына баспана алу үшін құжаттары дайындалуда.
Табиғат апатынан зардап шеккен 4 мыңнан астам ақтөбеліктен түскен арыздар бойынша үйлер тексеріліп, сараптама комиссиясы жұмысының қорытындысы таныстырылды. Комиссия қорытындысы бойынша 3621 үй жөндеуге жатады.
