Биыл Петропавлдың жаңа шағын ауданында 211 бір пәтерлі тұрғын үй салынады.
Солтүстік Қазақстан облысы әкімінің баспасөз қызметі Солнечный ауылының маңында құрылыс жүріп жатқанын хабарлады. Қазір жаңа шағын ауданда 72 үй салынуда.
Мердігер «Зерттеу СК» мамыр айының соңына дейін 35 үйді, тамыз айында қалғанын тапсыруды жоспарлап отыр.
Үйлерді Тұрғын үй құрылыс жинақ банкінің салымшылары сатып ала алады. Бір шаршы метрдің бағасы 120 мың теңге.
Дәл осы шағын аудандағы тағы 139 үйді «Құрылыс-Сервис-СК» кәсіпорны салады.
Солтүстік Қазақстан облысының әкіміне барлық коммуникациялар тартылған үлгілі үй көрсетілді.
«Біз үлкен алаңы кемінде 100 шаршы метрді құрайтын екі қабатты таунхаустар салуымыз керек. Адамдарда таңдау болуы керек. Барлық коммуникациялар тартылды, септик, жарық, су, жарық, жол жүргізілді. Мұнда шағын орталығы бар мектеп салу керек», – деді аймақ басшысы.
Баспасөз қызметі 56 екі қабатты таунхаус құрылысының жобасы дайындалып жатқанын қосты.
Небәрі 3 жылдың ішінде жаңа мөлтек ауданда 2094 жеке тұрғын үй салынады.
