Тәуелсіздік мерекесіне тарту ретінде Оңтүстік Қазақстан облысының Төлеби ауданында бес қабатты жаңа 8 тұрғын үй пайдалануға берілді.
Бұл туралы облыс әкімдігінің баспасөз қызметі хабарлады.
«Нұрлы жер» бағдарламасы бойынша 480 төлебилік отбасына пәтер кілті табыс етілді. Төлеби ауданы, Ленгер қаласының 1-шағын ауданында жаңа үйлер бой көтерді.
Салтанатты шараға облыс әкімі Жансейіт Түймебаев, облыстық мәслихаттың хатшысы Қайрат Балабиев, «Нұр Отан» партиясы Оңтүстік Қазақстан облыстық филиалы төрағасының бірінші орынбасары Нұрмахан Жолдасов бастаған сайланған халық өкілдері қатысты.
Тұрғындарды келе жатқан мерекемен құттықтаған Оңтүстік Қазақстан облысының әкімі Жансейіт Түймебаев жетім және ата-анасының қамқорлығынсыз қалған балаларға, әскерилер мен бюджеттік мекеме қызметкерлеріне, сондай-ақ аз қамтылған отбасыларға пәтер кілттерін салтанатты түрде табыс етті.
«Біздің басты міндетіміз – халықтың әлеуметтік жағдайын жақсарту және сапалы қызмет көрсету. Облыс, аудан орталықтары мен елді мекендерде тұрғын үйлер салынып жатыр. Бір мысал, сіз тұратын ауданда 8 көпқабатты тұрғын үйдің құрылысы аяқталды. Соның нәтижесінде бүгінде 480 отбасы баспаналы болып отыр. Бұл бағыттағы жұмыстар Мемлекет басшысының «Нұрлы жер» бағдарламасы аясында жергілікті және облыстық бюджеттен бөлінген қаражат есебінен барлық елді мекендерде жалғасады», — деді Түймебаев.
Айта кету керек, Төлеби ауданында 2016-2017 жылдары тұрғын үй құрылысына облыстық бюджеттен 2 миллиард 735 миллион 406 мың 084 теңге бөлініп, толық игерілді. Нәтижесінде 29 264 ш. м. тұрғын үй.
Қазіргі таңда ауданда коммуналдық тұрғын үй кезегінде 2961 адам тіркелген. Оның ішінде 1676 адам халықтың әлеуметтік осал топтары, 345-і жетім және қараусыз қалған балалар. ата-ана қамқорлығы, 940 – мемлекеттік және бюджеттік ұйымдардың қызметкерлері.
